Келес ауданының аумағында иесіз су қоймалары мен бөгеттер жоқ. Қошқарата ауыл округінің күн батыс беткейінде, яғни Абай ауылынан 25 шақырым қашықтықта орналасқан «Қазсушар» РМК Түркістан филиалына қарасты «Ақылбексай» су қоймасына визуалды зерделеу жұмыстарын жүргізіліп, қазіргі таңда жалпы сыйымдылығы 25,0 млн. м/куб су қоймасында 6, 683 млн. м/куб, 27 % су жиналғаны анықталды. Бұл туралы Келес ауданының әкімі Жәнібек Ағыбаевтың төрағалығымен өткен аппаратық жиынында аудандық Төтенше жағдайлар бөлімінің бастығы Хайрулла Кеңесов баяндады.
— Келес ауданы аумағында «Қазсушар» РМК Түркістан филиалы Сарыағаш өндірістік бөлімшесінің «Келес» өзенінің бойында «Ошақты», «Бес-Абдал» «Оймауыт» гидротехникалық құрылыстары орналасқан. Ағымдағы жылдың 28 қаңтар күні визуалды зерделеу жұмыстарын жүргізу барысында «Ошақты», «Бес-Абдал» «Оймауыт» гидротехникалық құрылыстарының жағдайы қанағаттанарлық жағдайда екені анықталды, — деді аудандық Төтенше жағдайлар бөлімінің бастығы.
Өз кезегінде аудан басшысы Жәнібек Есенұлы алдағы уақытта ауа райының қолайсыздығынан туындайтын жайсыздықтарға дайындықты пысықтап, жергілікті атқарушы орган өкілдерімен бірлесе шешім қабылдау қажеттігіне тоқталды. Жиын барысында аудан көлемінде санитарлық тазалық жұмыстарын жүргізуде алдағы жоспарлар сараланды.
