Биыл Мақтаарал ауданында 23 360 дана көшет отырғызу жоспарланған болатын. Аудан әкімінің бастамасымен көктемнің алғашқы күндері 13595 дана көшет отырғызылып, жоспардың басым бөлігі орындалды.
Көшеттерді алуға бюджеттен қаржы бөлінбеген. Аталған көшеттердің барлығы облыстық табиғи ресурстар және табиғат қорғауды реттеу басқармасы тарапынан берілуде.
Жалпы егілген көшеттердің ішінде 4500 дана қарағаш, 5000 дана терек, 360 дана багряник, 500 дана сирень, 875 дана туя, 300 дана шынар, 80 дана кипарис, 40 дана қарағай, 1940 дана роза гүл көшеттері бар.
Айта кетейік, бұдан бөлек кенттер мен ауылдық округтерде ұрпақтар сабақтастығын жалғастырып, ардагерлердің, жастардың ұйымдастыруымен және демеушілердің есебінен де түрлі ағаш көшеттері отырғызылуда.
