Түркістан төрінде Ұлыстың ұлы күні – Наурыз мерекесі кең көлемде аталып өтіп жатыр.
Бұл күні қаладағы «Этноауыл» кешенінде әз Наурыз мерекесі тойланып, ұлттық дәстүрді ұлықтайтын «EtnoFest» іс-шарасы ұйымдастырылды.
Іс-шара аясында кешенге келген тұрғындар мен қала қонақтарының назарына қолөнер шеберлерінің бұйымдары қойылған көрме ұсынылды.
Мереке барысында ұлттық ойындар сайысы өтіп, дәстүрлі ән орындаушылар мен мың бұралған бишілер өнерлерін паш етті. Қонақтар наурыз көжеден және ұлттық тағамдардан дәм татты.
Аталған іс-шара 22 наурыз күні де жалғасады.
