Осыдан екі жыл бұрын құрылған Сауран ауданы өңір туризмі үшін өте маңызды аймақтардың бірі болып табылады. Сонымен бірге, «Батыс Еуропа – Батыс Қытай» жолының бойында орналасқан аудан халқы ауыл шаруашылығына да ерекше ден қойған. Қазіргі таңда көне шаһарда жаңа ғимараттар бой көтеріп, аудан күннен-күнге ажарланып келеді. Айталық, ауданға биылғы жылдың І тоқсанының өзінде 6 млрд. 428,9 млн. теңге инвестиция тартылыпты. Жалпы, 2023 жылы құны 13 млрд. 129 млн. теңгені құрайтын 20 инвестициялық жоба іске асырылып, 300-ден астам жаңа жұмыс орны ашылмақ.
Жоғарыда айтып өткендей ауданының экономикалық әлеуетін дамытудың негізгі бағыттарының бірі туристік кластерді дамыту болып табылады.Аудан аумағында 54тарихи-мәдени нысандар бар. Келуші туристерге қолайлы жағдай жасау мақсатында «Әзірет Сұлтан» мемлекеттік тарихи-мәдени музей-қорығы тарапынан Ескі Сауран қалашығының аумағынан «Сапар» орталығының құрылыс жұмыстары жүргізілуде. (жоба құны 320,0 млн. теңге, қонақ үй, тамақтану орны, көрме орталығы, гид қызметі, автотұрақ)
Одан бөлек, Ескі Иқан ауылдық округінде орналасқан Жүсіп ата кесенесіне «Сапар орталығы» мен музейдің құрылыс жұмыстары аяқталды (жоба құны 97,0 млн. теңге, кәсіпкерлердің демеушілігімен жүргізілді).
Бекітілген кешенді жоспарға сәйкес 2022 жылы туризм саласында негізгі капиталға бағытталған инвестициялар көлемі 500,0 млн. теңге болса, нақты 811,8 млн. теңгеге немесе 162,3 пайызға орындалды.
