Ш. Қалдаяқов атындағы мәдениет сарайында «Жайдарман лигасының» финалдық ойыны өтті. Мемлекеттік жастар саясатын дамыту, жастардың бос уақытын тиімді пайдалану, ұйымшылдыққа баулу және достық қарым- қатынас орнату мақсатында ұйымдастырылған шараға мектеп оқушылары мен орта арнаулы оқу орындарының студенттері қатысып, өзара бақ сынады.
Жартылай финал ойынына өткен 6 команда көрермендерге көтеріңкі көңіл күй сыйлады.
Барлық командалар сайысқа жоғары дайындықпен келгендерін көрсете отырып, өмірдегі, саясаттағы, жалпы қоғамдағы болып жатқан құбылыстарды әзілмен жеткізе білді.
Жақсы әзілдерімен жүлделі 3-ші орынды №14-ші мектеп гимназиясынан келген «Ақ отау» командасы иеленсе, 2-ші орынды Байылдыр ауылының №9-шы мектеп оқушыларынан құралған «Жеңіс» командасы жеңіп алды. Жастардан құралған еркін команда «На Рахате» «Жайдарман лигасының» 2023-ші жылғы чемпионы атанды.
Жүлделі орын алған командалар арнайы кубоктармен және Қала әкімінің орынбасары А.Байболованың арнайы алғыс хатымен марапатталды.
