Кентау қаласының әкімі Жандос Тасовтың төрағалығымен өткен кезекті аппараттық жиынның күн тәртібінде бес мәселе қаралды.
Қалалық қаржы және экономика бөлімінің басшысы И.Азизбаев биылғы жылғы 4 айдың қорытындысымен қаланың әлеуметтік-экономикалық дамуы туралы баяндаса, қалалық кәсіпкерлік және ауылшаруашылық бөлімінің басшысы Т.Сүлейменов қала және оған қарасты ауылдарда заңсыз жер қойнауын пайдалануды алдын алу және болдырмау мақсатында атқарылған шаралар туралы мәлімет берді.
Қалада жүргізілген рейдтік іс-шаралар нәтижесінде жер қойнауын заңсыз пайдаланудың 9 дерегі анықталған. Аталған фактілер бойынша облыстық экология департаменті тарапынан ҚР Әкімшілік құқық бұзушылық туралы кодексінің талаптарымен әкімшілік айыппұлдар салынды.
Биыл мемлекеттік-жекеменшік әріптестік жобасы аясында 15,4 шақырымды құрайтын 18 көшені орташа жөндеуден өткізу жоспарланған. Бүгінгі таңда Ш.Құдайбергов, И.Тайманов, М.Өтемісұлы, Камалов, Геологиялық көшелеріне тас төсеу, нығыздау, су құдықшалардың бетін жол деңгейіне дейін көтеру жұмыстары жүргізіліп жатыр.
Қалалық ТҮКШ және АЖ, ТИ бөлімінің басшысы Т.Қасымбековтің сөзіне сүйенсек, қазір орталық А.Ясауи, С.Сейфуллин, Д.Қонаев, Құрманғазы, Абылайхан, А.Құнанбаев және Болашақ, Жұлдыз мөлтек аудандары бойынша ішкі көшелердегі шұңқырларды жамау жұмыстары іске асуда. Сондай-ақ, 37,4 шақырымды құрайтын 22 көшеге жол таңбалу жұмыстары жүргізілген.
Аппараттық кеңесте Кентау қаласы әкімдігіне қарасты мемлекеттік қызметшілердің СКУД жүйесін пайдалану бойынша қала әкімдігі аппаратының бөлім басшысы М.Абдиев және хаттардың уақытылы орындалуы бойынша бөлім басшысы А.Сейтметова бірқатар мәліметтерді ұсынды.
