Қонаев қаласында триатлоннан Қазақстан чемпионаты өтті. Айтулы сында Түркістан облысының өрендері 2 медаль еншіледі. Атап айтсақ, Нұрасыл Халтаев U 19 санатындағы спортшылар арасында спринтте қола жүлдегер атанса, Ерасыл Аманжолов кәсіпқой спортшылар арасында үшінші орынды еншіледі.
Бұл екі спортшы да – Түркістан облысының су спорт түрлері бойынша БЖСМ-нің өрендері. Спортшыларды триатлоннан аға жаттықтырушы Илья Данилов пен бапкерлер құрамы даярлады. Соңғы жылдары қазақ жастарының су спорты түрлеріне қызығушылығы артып келеді. Өңірде бұл бағытта жұмыстар жүріп жатыр. Алдағы Жазғы Азия ойындарына Түркістан облысының ескекшілері мен жүзу шеберлері де қатысады деп жоспарлануда.
