Биыл Арыс қаласында «Ауыл ел-бесігі» жобасы аясында Сырдария және Атамекен елді мекендерінде 24 көшесіне яғни 9,8 шақырымға орташа жөндеу жұмыстары жүргізеледі. Оның ішінде Сырдария елді мекенінің 11 көшесіне (Ә.Молдағұлова, Ғ.Мустафин, Т.Аубакиров, Б.Исаханов, Абай, Ш.Құдайберді, А.Құлжабаев, С.Сейфуллин, Н.Ақылбеков, Ғ.Мустафин-2,Әл-Фатиха мешітінің алдындағы көше) және Атамекен елді мекенінің 13 көшесіне (Бәйтерек, Бейбітшілік, Болашақ, Жастар, Желтоқсан, Жорабек, Ағабек, Игілік, Керегетас, Нұрлыжол, Татулық, Шаңырақ, Шапағат) орташа жөндеу жұмыстары жүргізіледі.
Сала мамандарының мәлімдеуінше, мемлекеттік сатып алу жұмыстары жүргізіліп, жеңімпаз анықталды. Қазіргі таңда «СТ Сервис» ЖШС орташа жөндеу жұмыстарын жүргізуде.
Сонымен қатар, Арыста биыл ішкі көшелері бойынша 3 көшеге, атап айтар болсақ, Едіге батыр, Н.Төреқұлов, К.Байсейтова көшелері мен қаланың тұйық көшелеріне, атап айтар болсақ, Ақжар, Ақиқат, Талапты және т.б. көшелеріне орташа жөндеу жұмыстарын жүргізу жоспарланған. Қазіргі таңда бұл бойынша мемлекеттік сатып алуға жұмыстары жүргізілуде.
Айта кетейік, Түркістан облысында автомобиль жолдары мен елді мекен көшелерінің ұзындығы 17 500 шақырымнан асады. Республикалық маңызы бар жолдың үлесі – 723 шақырым, жергілікті маңызы бар жол 5 755 шақырым және елді мекен көшелері 11 мың шақырымнан асады.
Биыл автомобиль жолдары саласын дамытуға республикалық және облыстық бюджеттен «Ауыл – ел бесігі» мемлекеттік бағдарламасы аясында 41,1 млрд. теңге бөлінген. Құрылыс-жөндеу жұмыстарымен жалпы 587 нысан немесе 1521,1 шақырым жолдар мен көшелерді қамту жоспарлануда. Жыл қорытындысымен 534 нысан, яғни 1237,2 шақырым жол пайдалануға беріледі деп көзделген.
Айта кетейік, жолдың сапасын Ұлттық сапа орталығы бақылауға алып отыр.
