«Жасыл ел» еңбек жасағы өз жұмысын қаланы көгалдандыру мен абаттандырудан бастады. Сала мамандарының айтуынша, қазір олар қаладағы орталық көшелерін әрлеумен айналысуда.
Айта кетейік, бүгінде өңірде көпқабатты 324 тұрғын үй мен 56 аула бар. Былтыр көпқабатты 7 тұрғын үй ауласына балалар ойын алаңшалары орнатылып, абаттандыру жұмыстары жүргізілген болатын. Биыл жергілікті бюджеттен 110,0 млн теңге бөлініп, 4 аулаға ойын («стрибол-воркаут») және спорт алаңшаларын орнату жоспарланған болатын. Қазір осы бағытта тиісті шаралар атқарылуда. Одан бөлек 33 ауланы абаттандыруға арналған жобалық сметалық құжат әзірленді.