Түркістан қаласында орнатылған «Ашық Wi-Fi» желісін жыл басынан бері 23 443 азамат қолданған. Оның ішінде маусым айында 2807 абонент жүйеге қосылған.
2021 жылы іске қосылған «Ашық Wi-Fi» желілері бүгінде «Түркістан» теміржол вокзалында, Қ. А. Ясауи кесенесі және «Сапар орталығы» аумағында орнатылған. Сонымен қатар «Жеңіс», «Гүлдер», «Жібек жолы» саябақтарында, кіші арбаттарда, Байбұрт көшесіндегі сұрбұрқақ аумағында қолжетімді.
Ескеретін жайт, тегін Wi-Fi желісін пайдалану кезінде жастардың тәрбиесіне кері әсер ететін сайттарға кіруіне шектеулер қойылған.
