Келес ауданында 2018 жылы сапалы электр жүйесімен тұрғындардың 55,4 пайызы қамтылған болатын. Соңғы 5 жылда бұл көрсеткіш 20,5 пайызға артып 76 пайызды құрап отыр. Аудан аумағындағы 8 елді мекенде электр жүйесінің құрылысы жүргізіліп, биыл пайдалануға тапсырылады. Сондай-ақ, Абай ауылының жаңа тұрғын жайларын электрмен қамту үшін тиісті қаржы қаралып, құрылыс жұмыстары биыл аяқталады.
Тұрғындардың қауіпсіздігін қамтамасыз ету үшін көшелерді түнгі жарықтандырумен қамту мәселесі маңызды болып келеді. Соңғы 5 жылда 30 көше мемлекеттік қаржы есебінен жарықтандырумен қамтылып, жеке инвестиция есебінен 20 көше жарықтандырылған.



