Қазақстан Республикасының Конституция күніне орай Кентау қаласының «Еңбек» стадионында ардагерлер арасында кіші футболдан спорттық жарыс өтті.
Жарысқа 40 жастан асқан футбол ардагерлерінің арасында өтті. Жарысты додаға алты команда қатысып, сынға түсті. Футбол додасына кентаулық ардагерлерден бөлек Түркістан қаласынан арнайы команда келіп қатысты.
Жарысты ұйымдастырған Кентау қалалық мәдениет, тілдерді дамыту, дене шынықтыру және спорт бөлімінің ұйымдастыруымен өткен жарыстың мақсаты – ардагерлерді өскелең жастарға үлгі ету, ең алдымен салауатты өмір салтын насихаттау, спорт жанашыры ретінде жас талғамай белсенді болуға шақыру болатын.
Жарыс соңында үздік қақпашы,үздік қорғаушы,үздік шабуылшы номинация иегерлері анықталып, оларға арнайы дипломдар мен естелік сыйлықтар табыс етілді.
