Кентау қалалық орталық балалар кітапханасының ғимаратына ағымдағы жөндеу жұмыстары жүргізілді. Құрылыс жұмыстары бүгінгі таңға толығымен аяқталып, балаларға пайдалануға берілді.
Жалпы кітапханаға жыл басынан бері 2110 бала тіркеліп, қажетті кітаптармен қамтамасыз етілуде.
Мұндағы кітап қоры 44425 дананы құрайды. Одан бөлек, кітапханада Балалардың қызығушылығын арттыру мақсатында түрлі қызықты іс-шаралар ұйымдастырылып отырады.
Балалар кітапханасында кітап қоры түрлі саладағы кітаптармен қамтамасыз етілген. Алайда, балалар қазіргі заманауи кітаптардан өзін-өзі тану, жаратылыстану, техника бағытындағы кітаптарға көбірек тапсырыс береді.
Кентау қалалық балалар кітапханасы 1966 жылдан бері қызмет жасап келеді. Алайда, сол уақыттан бері ағымдағы жөндеу жұмыстары жүргізілмеген. Облыс әкімінің қала тұрғындарымен кездесу барысында осы жайт көтерілген болатын.
