Облыс әкімі Кентау қаласы тұрғындарымен кездесуінде:
– Иә, дәл қазір «Тазалық – табалдырықтан басталады» – деген қазақ атамыздың тамаша айтылған нақыл сөзі есіме түсіп тұр. Өзін өркениеттімін дейтін кей жерлестеріміз өз үйінің табалдырығына дейінгі ортаны, оны тазалайтын азаматтардың еңбегін бағаламайтыны өкінішті. Қоршаған ортаға құрметпен қарап, жанашырлық жасауды өзімізден бастайықшы. Сонда қазынадан қыруар қаражат кетірудің орнына сол ақшаны әлеуметтік маңызы бар, аса қажет нысандарды салуға жұмсар едік. Солардың санын көбейтер едік. Біз тазалық мәселесін жіті бақылап отырамыз. Әр аудан, қалаға барған сайын бұл мәселені өзім көтеремін. Сырттан келген сыншының көзі сүйсініп, өзіміз үшін мақтаныш сезімі ұялайтын ауыл мен көше тазалығы бәрімізге ортақ. Сондықтан тазалықты сақтайық, ағайын! – деген болатын.
Бүгінде кенді өңірде осы бағыттағы жұмыстар тыңғылықты атқарылуда. Айта кетейік, қазір Кентау қаласында 324 көпқабатты тұрғын үйдің 56 ауласы бар. Халық қатысатын бюджет жобасы арқылы 2023 жылы 110 000,0 мың тенгеге 3 көпқабатты тұрғын үй аулаларына балалар ойын алаңшалары, футбол алаңы, «Стритбол и Воркаут» Құрманғазы көшесі № 60, 60а, 62, 64, (1 аула) Құралбаев көшесі, №114,№116, Әлфараби көшесі №102 (2 аула), және Бекенов көшесі №47,№47а, Алтынсарин көшесі №24 үй (3 аула) аулаларына жаңғырту жұмыстары жүргізіледі. Сонымен қатар, Тәуелсіздік көшесіне ойын алаңшаларын орналастыру үшін анықталған бос жер елді мекеннен шалғай жерде орналасуына байланысты жан-жақты зерделеніп, аталған көшенің тұрғындарына қолайлы Ромах көшесі уч. 48/1 орналасқан тәлімбақ аумағына (Питомник) футбол алаңы, балар ойын алаңшалары, стритворкаут орналастырылатын болады. Сала мамандарының мәлімдеуінше, бүгінгі таңда мемлекеттік сатып алу конкурсы өткізілуде.
33 көпқабатты ауланың жобалау сметалық құжаматталары әзірленген, қажетті қаржы 5,1 млрд.тенге.Бүргем ауылы аумағындағы мазаратты қоршау жұмыстары бойынша дайын темір бетон конструкцияларын орнату үшін 350 негізгі бетон құрылғылары орналастырылып, 300 негізге 2 қатар, 50 негізе 1 қатар дайын темір бетон қойылды. Бүгінгі таңда негізгі бетон құрылғылары дайын темір бетон орнату жұмыстары жүргізілуде.
Кентау қаласын декаративті жарықпен безендіру жобасы бойынша (11 000,0 мың тенге) «Ынтымақ алаңын» безендіру жұмыстары жүргізілді.
Сонымен қатар, қаладағы Қ.А.Яссауи және Абай даңғылы бойында орналасқан «Кеншілер» аллеясының орындықтары мен қоқыс жәшіктері жаңартылды. Алдағы уақытта, қаланың барлық аллеялары мен тұрғындар тыныстап демалатын аймақтағы орындықтар ауыстырылу жоспарлануда.
Сала мамандары қала тұрғындарына шаһардың көркі үшін жасалынған дүниелерге зиян келтірмеу, вандализмге жол бермеу керек екенін ескертеді. Айта кетейік, қазіргі таңда «Группа Интеко» ЖШС-і қаланың 54 көшесін, оның ішінде автомобиль жолдары мен жаяу жүргінші жолдарды, су ағатын лотоктарды, жасыл желектерді қоқыстан тазалау, қоқыстарды әкету жұмыстарын жүргізуде. Сонымен қатар, 341 көпқабатты тұрғын үйдің 56 ауласын қоғамдық жұмысшылар арқылы күнделікті санитарлық тазалау жұмыстары қолға алынған.
Кентау қаласымен оған қарасты 4 ауылдық округтарда жалпы 3 күл-қоқыс төгетін полигон бар. Қазіргі таңда Ащысай және Қарнақ ауылдарында типтік күл-қоқыс төгетін полигондарды салуға арналған жобалау сметалық құжаттамалары дайындалған. Кентау қаласындағы тұрмыстық қатты қалдықтарға арналған полигоның жобалау сметалық құжаттамалары әзірленуде.
Кентауда 99 793 адам (қала халқы – 74725 адам, ауыл халқы — 25068 адам) тұрады. Қала аумағы 52,7 мың гектарды құрайды.Қаланың құрамына 4 ауыл кіреді. Қаланың ұлттық құрамы: қазақтар – 56,9%, өзбектер – 39,7%, орыстар – 2% және өзге ұлттар – 1,4%.Жалпы халықтың 37,4 мың адамы экономикалық белсенді, оның ішінде жұмыспен қамтылғаны 35,4 мың адам, жұмыссыздық деңгейі 5,3%, жастар жұмыссыздығы 5,7% құрады.
