Кентау қаласында 5 балалар және жасөспірімдер спорт мектебі, 1 спорт клубы мен 1 көркем гимнастика орталығы бар. Сондай-ақ, қалада 70 спорт ғимараты жұмыс істейді. Аталған мекемелер спорттың 19 түрінен 5 мыңнан аса спортшыға қызмет көрсетеді.
2023 жылдың 12 айында бұқаралық спорт түрлерін дамыту мақсатында шаһарда 151 іс-шара өткізіліп, 19 000 адам қамтылған. Кентаулық спортшылар 2023 жылы Әлем және Азия чемпионаттарына, Халықаралық, республикалық және облыстық турнирлерге, Қазақстан мен Түркістан облысының біріншіліктеріне қатысып, 244 спортшы жеңімпаз атанған.
Айта кетейік, биыл Кентау қаласы мен Қарнақ ауылында жаңа спорт кешендері пайдалануға беріліп, түрлі спорттық секцияларды ашу жоспарлануда.
