Кентау қаласы әкімдігінің мәжіліс залында облыс прокуратурасымен «Бұзушылыққа тоқтам» жобасы аясында жиналыс өткізілді.
Іс-шараға Кентау қаласы әкімінің орынбасары А.Байболова, Түркістан облысы прокуратурасының Басқарма прокуроры Р.Айдарбеков және Кентау қаласы прокурорының орынбасары А.Әлі және мекеме қызметкерлері қатысты.
Р.Айдарбеков ағымдағы жылдың өткен кезеңінде қылмыстылықтың жай-күйіне жүргізілген талдау нәтижелерін баяндап, арнайы бейнероликтер көрсетті.
Атап айтқанда кәмілетке толмағандарға адам өміріне қауіп-қатер келтіру, бұзақылық және де алаяқтық фактірлері бойынша мәліметтер айтылды.
Аталған жайттардың алдын алу мақсатында рейдтік іс-шарасын көбірек ұйымдастырып, оңды нәтижегелерге қол жеткізу үшін халық арасында кеңінен түсіндіру жұмыстарын жүргізу жайы ұсынылды.
