Өзбекстан Республикасы Ташкент қаласында «Жарық жұлдыз» VIII Халықаралық көп жанрлы балалар мен жасөспірімдердің өнер фестивалі өтті.
Байқауда Түркістан облысы Келес ауданы «Оқушылар үйі» коммуналдық мемлекеттік мекемесінің би үйірмесінің оқушысы Гүлмира Бақытбек жүлделі 1-орынмен, «Еркем-ай» би тобы мен «Сымбат» бүлдіршіндер би тобы жүлделі 2-орынмен марапатталды.
Айта кету керек, шәкірттер өнер жолына қадам басқалы бері биік белестерден көрініп жүр. Балаларға ата-аналары да зор қолдау көрсетіп келеді. Жеңімпаздарды өнер додасына дайындап биіктерден көрсете білген жетекшісі Айман Орманова 12 жылдық еңбек өтілі бар ұлағатты ұстаз. Қазіргі таңда оның тәрбиелеген оқушылары үлкен сахналарда өнер көрсетіп жүр.
