Шығыс Қазақстан облысының Өскемен қаласында қазақ тілі мен әдебиетінен Қанипа Омарғалиқызы Бітібаева атындағы республикалық олимпиада өтті. Республикалық олимпиадаға Түркістан облысы, Арыс қаласының Білім бөліміне қарасты «И.Журба атындағы жалпы білім беретін мектептің 10-сынып оқушысы Қайрат Кәусар қатысып, І дәрежелі дипломмен марапатталды. Ол – Іляс Жансүгіровтің 130 жылдығына орай жалпы орта білім беретін мектеп оқушылары арасында өткізілген республикалық «Іляс Жансүгіров оқулары» байқауының «Сұлу сөздің сүлейі» бағыты бойынша қатысып, жүлделі ІІІ орын иегері атанды.
Жыл сайын қазақ тілі мен әдебиеті бойынша білімдерін жетілдіру мен тереңдету, зияткерлік және шығармашылық қабілеттерін дамыту мақсатында республиканың барлық аймақтарынан дарынды оқушылар бас қосады.
Жетекшісі – қазақ тілі және әдебиеті пәні мұғалімі Гүлмарал Даулбаева.
Жүлдегер иелерін Арыс қаласының «Білім бөлімі» мемлекеттік мекемесінің басшысы Момбеков Әшімхан Тілеуханұлы арнайы құттықтап, ертеңгі еліміздің дамуына өз үлесін қосатын тұлға болып қалыптасуына тілек білдірді.
Олимпиада аясында жетекшілер үшін Абай атындағы Шығыс Қазақстан гуманитарлық колледжінде шеберлік-класс ұйымдастырылды.
