Түлкібас аудандық мәдениет үйінде Түркістан облысының «Құрметті азаматы», Қазақстанның құрметті журналисті Мархабат Байғұтты еске алу және 2023 жылғы «Мархабат оқулары» байқауының қорытынды іс-шарасы өтті.
Қазақстанның көрнекті жазушысы , қоғам қайраткері, журналист , аудармашы, Қазақстанның еңбек сіңірген «Алаш» Халықаралық сыйлығының лауреаты, «Құрмет», «Парасат», «Барыс» ордендерінің иегері, Түркістан облысының «Құрметті азаматы» Мархабат Байғұтұлын бір минут үнсіздікпен еске алып, Мархабат Байғұтұлына арналған бейнероликті көрермен назарларына ұсынды.
Мархабат Байғұтылының еске алу әдеби кешіне филология ғылымдарының докторы, профессор,Мемлекеттік сыйлықтың лауреаты Мекемтас Мырзахметов, көрнекті ақын, «Парасат» орденінің иегері Ханбибі Есенқараева, Облыстық мәслихаттың депутат Ғалымжан Елшібай, жазушы Мархабат Байғұт ағамыздың зайыбы Қыздаркүл Пернебаева, Өзбекәлі Жәнібеков атындағы педогогикалық университетінің доценті, ыилология ғылымдарының кандидаты Ақлима Мархабатқызы, көрнекті жазушы Қыстаубаев Захридин, Жазушы Ескара Токтасынұлы, Шымкент қаласы Ы.Алтынсарин атындағы кітапхананын директоры Ақмарал Құдайбергенова, жазушы, ақын, аудармашы Закиржан Момынжанов, Түркістан облысының құрметті азаматы, ардагер Нышан Тасболатұлы, Түлкібас ауданының «Құрметті азаматы» Балзия Тәжібаева жәні тағы басқа зиялы қауым өкілдері қатысып, бар саналы ғұмырын әдебиетке, мәдениетке жалпы ізгілік пен имандылыққа арнаған, өзі түлеп ұшқан өңірінің гүлденуі үшін, қағаз қаламын қолынан тастамай талай игілікті істердің атқарылуына дәнекер болған қаламгердің артында қалған мол мұрасы, асыл қазынасы кейінгі ұрпаққа мәңгі қызмет ететіндігі, өнегелі өмір жайлы еске алып, өсиетті әңгімелерін айтты.
Аудандағы дәстүрлі «Мархабат оқулар» байқауында ұстаз ретінде жастарды көркем әдебиетті оқуға қызығушылығын арттырып, белсенділік танытқан ұстаздар мен «Мархабат оқулары» байқауында жеңімпаз болып танылған жас ақындар, көркем шығармалар, әңгіме, эссе жазу бағыттары бойынша байқауда белсенді қатысқан жеңімпаз оқушылар «Құрмет грамотасымен» және бағалы сыйлықтармен марапатталды.
