«Ұлттық мектеп лигасы» республикалық деңгейде өтіп, командалық спорт түрлерінен сынға түсіп, үздіктер анықталуды. Жалпы Ұлттық мектеп лига жарыстары үш жас ерекшелік бойынша өткізіледі. Атап айтсақ, 5-6-сыныптар арасында Семей қаласында (127 оқушы қатысты), 7-8-сыныптар арасында Астана қаласында, 9-11-сыныптар Қызылорда қаласында өтеді. Қазіргі таңда Семей қаласындағы 5-6-сыныптар арасындағы жарыстың қорытынды кезеңі бойынша Түркістан облысының оқушылары жалпыкомандалық есепте І орынды жеңіп алды.
2023 -2024 оқу жылында облыста «Ұлттық мектеп лига» жарысы спорттың 10 түрінен өткізілді. Осы кезеңде 44 сайыс өтіп, оған 475 командадан 4244 оқушы қатысты. Оның 2005-і қыздардан, 2 239 ұлдардан құралған.
Ұлттық мектеп лигасын өткізу барысында 144 кубок, 1307 медаль сарапқа салынды. Оның ішінде 434 алтын, 444 күміс және 429 қола медаль әзірленген. Өңірде «Ұлттық мектеп лига» жарыстары жоғары деңгейде ұйымдастырылып өтуіне байланысты республикалық кезеңдерде облыстың оқушылары топ бастап тұр.
Қазіргі таңда 7-8-сыныптар арасындағы жарыс Астана қаласында өтіп жатыр. Әзірге қоржында 2 алтын, 4 қола! Алда өтетін тағы 6 жарыс бар. Сонымен қатар шілде айының 7-31 аралығында Қызылорда қаласында 9-11-сыныптар арасындағы жарыстар өткізіледі деп жоспарлануда.
