Солтүстік Қазақстан облысы, Петропавл қаласында «Мағжан оқулары» байқауы өтті. Республикалық ғылыми-шығармашылық конкурсының қорытынды кезеңі бойынша Түркістан облысының оқушылары жүлдегер атанды. Қазақ халқының әдеби мұраларын дәріптеу, мектеп оқушылардың классикалық әдебиетті оқуға деген қызығушылығын арттыру мақсатында өткізілген «Мағжан оқулары» үш бағыт бойынша өткізілді.
Жүлделі орынға Мақтаарал ауданы, С.Датұлы атындағы жалпы білім беретін мектеп оқушысы Ермек Бейбарыс, Ордабасы ауданы, Ө.Тұрманжанов атындағы жалпы білім беретін мектеп оқушысы Алпамыс Нұрболат ие болды. І орынға велосипед, ІІ орынға «Samsung» ұялы телефоны сыйға тартылды.
