Астана қаласында кіші жасөспірімдер арасында «CHEMPIONDAR LIGALARI» республикалық қазақ күресінен жарыс өтті. Аталған жарысқа СҚО, Түркістан облысы, Қостанай, Астана, Алматы, Қызылорда, Қарағанды, Өскемен қалаларынан келген 200-ден аса спортшы қатысты.
Республикалық жарыста Кентау спорт клубының жас спортшылары 42 келі салмақ дәрежесінде күрескен Шоқан Уалихан мен 46 келі салмақ дәрежесінде белдесуге шыққан Мейірбек Нұрғиса намысты қолдан жібермей қола медаль иегері атанды.
