Кентау қаласы әкімдігінде қалалық құқық бұзушылық профилактикасы жөніндегі ведомствоаралық комиссия мүшелерінің қатысуымен кезекті комиссия отырысы өтті.
Күн тәртібінде 3 мәселе қаралды.
Кентау қалалық жұмыспен қамту және әлеуметтік бағдарламалар бөлімінің Әлеуметтік қызмет көрмету орталығының басшысы Балабеков Ергали Тұрмыстық зорлық-зомбылықтың профилактикасы және отбасылық құндылықтарды ілгерілетуге бағытталған жұмыстары туралы баяндап өтті.
Қоғамдық орындар мен көшелерде қоғамдық қауіпсіздікті қамтамасыз ету және Меншікке қарсы қылмыстық құқық бұзушылықтың алдын алу (мал, пәтер ұрлықтары, алаяқтық, қарақшылық, тонау және т.б) туралы ақпаратты Кентау қалалық полиция бөлімі бастығының бірінші орынбасары полиция подполковнигі Туймебаев Данияр баяндады.
Барлық ұсынылған ақпаратты тыңдап, құқық бұзушылықтардың алдын алу жөніндегі ведомствоаралық комиссия әлеуметтік қорғау және халықты жұмыспен қамту саласындағы сыбайлас жемқорлық тәуекелдеріне жүргізілген сыртқы талдау нәтижелері бойынша қажетті шаралар қабылдау туралы және интернет-алаяқтық алдын алу жөніндегі жұмысты күшейту бойынша ұсынымдар берді.
