Кентау қаласының әкімі Жандос Тасов қала тұрғындарын жеке мәселелері бойынша жиі кездесіп, оларды мазалаған арыз-өтінішін шешуге ықпал етуде. Бұл өз кезегінде бірқатар мәселелердің қордаланбауына, кез- келген түйткілдің түйінін дер кезінде тарқатуға септігін тигізеді.
Бүгін де осы мақсатта бірқатар қала тұрғындарын жеке қабылдап, өтініш-тілектерін тыңдады.
Қабылдауға келгендердің басым бөлігі әлеуметтік көмек көрсету, жер,жалпы коммуналдық салаға қатысты мәселелерді көтерді. Қабылдауда көтерілген түйткілдердің бірқатары сол мезетте-ақ шешімін тапса, бір бөлігі рет-ретімен зерделеніп, заң шеңберінде қаралатын болды. Бұл бойынша жауапты сала басшыларына тапсырма берілді.
Тұрғындардың мәселесін тікелей шешу мақсатында өткізілген қабылдау алдағы уақытта да жалғасын табатын болады.
