Бүгін қала әкімі Жандос Тасов қала тұрғындарды жеке мәселелері бойынша қабылдады. Жеке қабылдауға келген тұрғындар қала әкіміне өтiнiш-тiлектерiн жеке-жеке жеткізіп, мәселелерiнiң оң шешiмiн табуына ықпал жасауды сұрады.
Қабылдауға келгендердің дені коммуналдық мәселесін алға тартса, бірқатар тұрғындар жер, газ және әлеуметтік мәселесімен жүгінді. Қабылдау барысында қала әкімі әрбір тұрғынның мәселесін тыңдап, заңдылыққа сәйкес түсініктеме берді.
Сонымен қатар, аталған мәселелерді шешу үшін тиісті сала басшыларына тапсырмалар жүктеді. Қала басшысы тұрғындар тарапынан айтылған мәселелердің барлығы бақылауында болатындығын жеткізді.
