Кентау қаласының әкімі Жандос Тасов қаладағы көпқабатты тұрғын үй аулаларында құрылысы бастау алған жұмыстарды бақылап шықты.
Қазіргі таңда қаладағы Абылай хан №34-36-38 және Гагарин №30-Абылай хан 30-32 көпқабатты үй ауласына жалпы 2600 м2 жолына орташа жөндеу жұмыстары басталды. Одан бөлек, аталған үй аулаларының жолына 5 автотұрақ орны белгіленіп құрылыс жұмыстары жүргізілуде. Қала әкімі құрылыс жұмысын жүргізуші мердігер мекемеге жұмысты уақыты әрі сапалы атқарып, тұрғындармен ақылдаса атқаруды ескертті. Жұмыс барысын ұдайы бақылап отыруды тиісті салаға тапсырды.
2024 жылы 14,5 шқ құрайтын Кентау қаласының 24 көшесіне жолды орташа жөндеу жұмыстарын жүргізу жоспарлануда. Сондай-ақ, 2024 жылы Кентау қаласына қарасты Қарнақ, Байылдыр ауылдарында 14,6 шқ құрайтын 22 көшеге орташа жөндеу жұмыстарын жүргізу жоспарланып отыр.
Қазіргі уақытта Кентау қаласы және оған қарасты ауылдарда жалпы 374 шақырымды құрайтын, 416 көше бар.
Жалпы, 2023 жылы МЖӘ жобасы аясында 14,3 шқ құрайтын 20 көшеге орташа жөндеу жұмыстары жүргізілді. Сондай-ақ, субвенция есебінен қалаға қарасты 11 нысанға орташа жөндеу жұмыстары жүргізілген. Оның 3 нысаны 2024 жылға өтпелі. Сонымен қатар, Кентау қаласына қарасты Хантағы, Ащысай ауылдарында 11,4 шқ құрайтын 7 нысанға орташа жөндеу жұмыстары жүргізіліп, нәтижесінде қанатағаттанарлық жолдардың үлесі 81% жетті.
