Кентау қаласы әкімінің орынбасары Ақнұр Байболованың төрағалығымен қалалық нашақорлыққа және есірткі бизнесіне қарсы іс-қимылға бағытталған қызметті үйлестіру жөніндегі қалалық ведомствоаралық штаб отырысы өтті. Жиынға штаб мүшелері, ауыл әкімдері, бөлім мен мекеме басшылары, жергілікті БАҚ өкілдері қатысты.
Күн тәртібінде нашақорлыққа қарсы және салауатты өмір салтын насихаттау бойынша атқарылған жұмыстар және алдағы уақытта атқарылатын іс-шаралар туралы қалалық мәдениет, тілдерді дамыту, дене шынықтыру және спорт бөлімі, Байылдыр ауылы әкімі аппаратының және Жастар ресурстық орталығының басшысы С.Азаттың баяндамалары тыңдалды.
Кентау қаласы әкімінің орынбасары, штаб төрайымы А.Байболова штаб мүшелерінің ұсыныстарын назарға алып, алдағы атқарылар жұмыстар туралы тапсырмалар жүктеді.
