Кентау қаласының әкімі Жандос Тасовтың төрағалығымен аппараттық жиын өтті.Күн тәртібінде 4 мәселе қаралды.
Қалалық білім беру бөлімінің міндетін атқарушы З.Отызбаева 2023-2024 оқу жылында Ұлттық бірыңғай тестке дайындық жұмыстары туралы баяндады.
Биылғы оқу жылында бітіруші 11-сыныптар оқушы саны – 741 оқушы. Оның ішінде Ұлттық бірыңғай тестілеуге қатысатын оқушы саны-677, қатыспайтын оқушы саны-64 оқушы, оның ішінде 2 оқушы үйден білім алады. Олардың «Алтын белгіге үміткері — 45 оқушы, «Үздік аттестатқа» 29 оқушы үміткер.
Екінші болып қалалық төтенше жағдайлар бөлімінің басшысы С.Төлегенов Кентау қаласы аумағының су айдындарында келеңсіз жағдайлардың алдын алу шаралары туралы ақпарат берді.
Күн тәртібіне сәйкес үшінші баяндамашы қалалық ТҮКШ және ТҮ инспекциясы бөлімінің басшысы Т.Искаков Мемлекеттік сатып алу жұмыстарының барысы туралы баяндаса, төртінші болып «Кентау қаласының цифрландыру орталығы» КММ-нің директоры Ж.Қожахмет 4 сектор меңгерушілерінің жұмыс барысы жайында баяндап өтті.
Әр баяндамашыны тыңдаған қала әкімі оқушылар үшін алда келе жатқан жазғы демалысқа байланысты қадағалау шараларын күшейтуді, қалалық білім беру бөлімі мен төтенше жағдайлар бөліміне және тиісті салаларға балалардың шомылу кезінде сақтатық шаралары мен ата-анасының қарауынсыз ешқайда шықпауды, таулы аймақтарға үлкендерсіз бармауды насихаттау, түсіндіру жұмысын жеделдетуді тапсырды.
Одан бөлек, әр секторда орын алып жатқан оқылықтар мен мәселелерді назарға алып, берілген уақытқа дейін қалыпқа келтіруді тапсырды. Әр апта сайын секторлардағы атқарылған жұмыстар тыңдалып отыратынын ескертті.
