9-11 тамыз күндері Алматы қаласында өткен республикалық «Almaty Tech Cup X» робототехника және инновациялық технологиялар бойынша X дүбірлі ашық чемпионат өтті. Аталған чемпионатқа Қазығұрт ауданының білім бөліміне қарасты білім мекемелерінен 4 мұғалім, 12 оқушы қатысты. Жалпы командалық есепте І орын иеленді.
Қарсылас шақ келтірмеген команда құрамында белгілі «Qazygurt» командасы «Champions award, Rob» командасы «Innovation Awards» жетекшілері Б.Оразхан, Н.Усенов, М.Өмірбек, Е.Тастан шәкірттері Д.Нұралы, Н.Сайлау, А.Абдирашитов, А.Камал, Г.Давронбек, А.Әбдуәлі, А.Асқар, А.Хамзе, Ж.Айту, С.Нургалиевна, Д.Хайдарова, А.Омырбек те бар.
Чемпионаттың негізгі мақсаты – білім беру ұйымдары мен қосымша білім беру ұйымдарының оқушыларын біріктіру, сондай-ақ жастардың робототехникасы мен инженерлік дағдыларын дамытуға ықпал ету.
Жалпы чемпионат келесі бағыттар бойынша өткізілді. Атап өтсек;
— FIRST LEGO League Explore (6-10жас);
— FIRST LEGO League Explore (10-16 жас);
— WSO (12-18 жас);
— Drone Racing: Multi GP ( жас шектеу жоқ);
— Minecraft Education (6-16 жас);
— Хакатон (12-18 жас).
Чемпион атанған оқушылар Қырғызстан елінде өтетін чемпионатқа жолдама ұтып алды.
