Техникалық және кәсіптік білім беру ұйымдары директорының тәрбие ісі жөніндегі орынбасарларына арналған «Біртұтас тәрбие» бағдарламасына қатысты семинар өтті. Осыған орай Мақтаарал ауданы, Мақтаарал аграрлық колледжінде жаңартылған бағдарлама мазмұнын түсіндіру мақсатында ТжКБ жүйесінде білім мен тәрбие берудің жаңа форматы – «Біртұтас тәрбие бағдарламасы» тақырыбы аясында кезекті оқу-практикалық семинары ұйымдастырылды.
Семинар жұмысына Түркістан облысының білім басқармасының мамандары, облыстың техникалық және кәсіптік білім беру ұйымдары басшыларының оқу-тәрбие жұмысы жөніндегі директор орынбасарлары қатысты.
Жиын барысында бағдарлама мазмұнымен қатар, негізгі әлеуметтік жобалар, қауіпсіздік сабақтары бірге талқыланып, жылдық жоспарлар әзірленіп, тәрбие жұмысын дұрыс бағытта үйлестіру мәселелері көтерілді. Қатысушылар өз ой-пікірлерін ортаға салып, ерекше белсенділік танытты.
