Менің пайымдауым бойынша, мол табиғи ресурстары мен әлеуеті бар Қазақстан АЭС-те өндірілетін электр энергиясын ішкі сұранысты қанағаттандыру үшін ғана емес, көрші елдерге экспорттау үшін де пайдалана алады. Энергетикалық қауіпсіздік кез келген ел үшін басымдық болып табылатындықтан, электр энергиясын, оның ішінде сыртқы нарықтарға генерациялау мен сенімді тасымалы ұлттық энергетикалық жүйенің тұрақтылығын қамтамасыз етудің негізгі факторлары бола алады. Электр энергиясының экспортынан валюта қаражаты түсіп, энергия импортына тәуелділік азаяды әрі ел бюджетінің кірісін ұлғайтуға мүмкіндік береді. Өткен жылы Қазақстан электр энергиясының импортын бес есеге – 17,8 млрд киловатт-сағатқа дейін ұлғайтқанын ескерсек, осы аспект өте маңызды екенін түсінуге болады. Бұл ретте энергия өндірісі іс жүзінде сол деңгейде қалғанын да атап өту керек. Тасымалдың үлкен үлесі Қырғызстан мен Ресейге тиесілі және қазақстандық бюджетке 200 млн доллардан астам шығын келіп отыр. Ал егер елде атом станциясы болған жағдайда бұл ақшаны сақтап қалып, басқа да маңызды қажеттілікке жұмсай алар еді.
Анықбек БЕРДІБАЙ,
Кентау қаласының тұрғыны
