Атом электр стансасы еліміздегі энергетикалық дағдарысты шешудің бірден-бір жолы

Мемлекет басшысы Қасым-Жомарт Тоқаев өзінің Қазақстан халқына арнаған «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауында ел экономикасын ілгерілетудің жолдарын көрсеткен еді. Жолдаудағы басқада салалармен бірге ең маңыздысының бірі-атом электр стансасын (АЭС) салуға байланысты референдум өткізу болды. Елімізде референдум өткізу 6 қазанға белгіленіп, АЭС салудың артықшылықтары мен залалсыздығын халыққа түсіндіруге байланысты Кентау қаласындағы №1 Ы. Алтынсарин атындағы орта мектепте кездесу өтті. Кездесуге «Кентау экскаватор зауыты» АҚ ардагері С.Мырзахметов және қалалық Әкелер мектебінің төрағасы А.Сахов қатысып, насихат жұмыстарын жүргізді. Атом электр стансасы еліміздегі энергетикалық дағдарысты шешудің бірден-бір жолы екендігіне тоқталды. Қазақстанның экономикасы дамып, жер-жерлерде өндіріс орындары, зауыт-фабрикалар көптеп соғылатын болса, энергияға деген сұраныс артатын болады. Сондықтан да жиынға қатысушыларды референдумға саналы түрде қатысып, АЭС құрылысын салуға байланысты оң шешім қабылдауға шақырды.