Кентаулық көпбалалы ана Латипа Алиева ерекше тәсілмен нан өнімдерін пісіруді қолға алған. Ол 2024 жылы «Нан өнімдері» бизнес жобасына мемлекеттен қайтарымсыз грант алған. Ол қаржыға қажетті жабдықтарын сатып алып, бүгінде нан өнімдерін дайындайды. Оның ішінде, денсаулыққа ешқандай зияны жоқ қампая ашытқысынан нан пісіріп қала тұрғындарына ұсынады.
«Тапсырысқа сай нан көлемі әртүрлі болып тұрады. Кемінде 200-300 нанға дейін, кейде тапсырыс көбейіп кетсе одан да көп пісіруге күш саламыз. Қазіргі таңда қан қысымы мен қант диабеті жоғары адамдар сатып алып жатыр» — дейді кәсіпкер ана.
Наубайхана бүгінгі таңда екі адамды жұмыспен қамтып отыр. Нан өнімдерінен бөлек, кондитерлік өнімдерді де пісіруді қолға алған. Ерекше ашытқымен дайындалатын нан өнімдерін алатын тұрғындар дән риза.
