Кентау қаласының әкімі Жандос Тасовтың төрағалығымен өткен жиналыста қалалық мәдениет және тілдерді дамыту, спорт және денешынықтыру бөлімінің басшысы Ж.Жақаев пен қалалық ішкі саясат бөлім басшысы Б.Жорабеков Кентау қаласының 70 жылдығына орай өтетін іс шаралардың жұмыс жоспарымен таныстырды.
Бұл бағытта «70 жылға -70 іс-шара» аясында кешенді іс-шаралар ұйымдастырылмақ. Оның ішіне түрлі байқаулар мен жарыстар, сайыстар мен түрлі қызықты шаралар, кездесулер бар.
Қала әкімі Жандос Қалмырзаұлы баяндамашыларды тыңдап, бірқатар мәселелерге тоқталды. Қаланың мерейтойына арналған шараға жүйелі, әрі нақты бағдарлама жасап, оның ішіне зиялы қауымдар мен қала жастары мен тұрғындарын қамтитын заманауи шараларды ұйымдастыру қажеттігін айтты. Әлі де жоспарларды толықтыру керектігін тапсырды.
Сонымен қатар, салауатты өмір салтын ұстану мақсатында бұқаралық спортты дамыту керектігін жеткізді.
