Аудан аумағында орналасқан балалар лагерінде ауқымды сенбілік ұйымдастырылып, тынығу аймағын ретке келтіру мен қауіпсіздік шараларына ерекше көңіл бөлінді. Тазалық жұмыстарына аудан әкімдігіне қарасты мекемелер мен ұйымдардың қызметкерлері, білім беру, мәдениет және спорт саласының өкілдері, сондай-ақ жергілікті тұрғындар белсенді түрде қатысты. Жалпы саны 500-ге жуық адам жұмылдырылған сенбілік жоғары деңгейде өтті.
Шара барысында тұрмыстық және құрылыс қалдықтары сыртқа шығарылып, 370 дана қураған ағаш кесілді, сондай-ақ 3 гектар жердің шөбі орылды. Сонымен қатар лагер аумағында жүргізіліп жатқан күрделі жөндеу және абаттандыру жұмыстары да назардан тыс қалған жоқ.
Аудан әкімінің міндетін атқарушы Мейрамбек Ақмұратов пен аудан әкімінің орынбасары Илияс Тұрнияз нысанды аралап, атқарылып жатқан жұмыстардың барысымен танысты. Олар мердігер мекемелерге жұмыс сапасын басты назарда ұстауды тапсырды. Шара соңында жауапты тұлғалар сенбілікке белсене қатысқан ұжымдарға алғысын білдіріп, мұндай тазалық шаралары алдағы уақытта да тұрақты түрде өткізіліп отыратынын атап өтті.
