Кентау қаласына қарасты Хантағы ауылында электр желілерін жаңғырту жұмыстары қарқынды түрде жүргізілуде. Бұл жұмыстар «Оңтүстік Жарық Транзит» ЖШС-нің инвестициялық жобасы аясында жүзеге асуда.
Аталған жоба шеңберінде ескі электр бағаналары заманауи темірбетон тіректерге ауыстырылып, трансформатор қондырғылары жаңартылуда. Бұл өз кезегінде электр энергиясының сапасын арттырып, апаттық жағдайлардың алдын алуға және ауыл тұрғындарын тұрақты әрі үздіксіз электр қуатымен қамтамасыз етуге мүмкіндік береді.
Энергетикалық инфрақұрылымды кезең-кезеңімен жаңарту – халықтың тұрмыс сапасын жақсартуға бағытталған маңызды бастамалардың бірі. Қазіргі таңда құрылыс-монтаждау жұмыстары белгіленген кестеге сәйкес жүргізіліп жатыр.



