gazetakentau
Кентау Gismeteo

ҚАЗ РУС

  • Қоғам
  • Заң
  • Билік
  • Білім
  • Мәдениет
  • Дерекқор
  • Спорт
  • Таным
  • Сұхбат
  • Анықтама
No Result
View All Result
  • Қоғам
  • Заң
  • Билік
  • Білім
  • Мәдениет
  • Дерекқор
  • Спорт
  • Таным
  • Сұхбат
  • Анықтама
No Result
View All Result
gazetakentau
No Result
View All Result
Home Жаңалықтар

Кентау архивінде жат ағымдардан сақтану жайы түсіндірілді

28 августа, 2025
in Жаңалықтар, Қоғам
0
Кентау архивінде жат ағымдардан сақтану жайы түсіндірілді
Share on FacebookShare on Twitter

Кентау өңірлік мемлекеттік архив мекемесінде діни экстремизм мен деструктивті ағымдардың алдын алу мәселесіне арналған түсіндіру кездесуі өтті. Іс-шараның мақсаты – қоғамдағы тұрақтылықты нығайту, азаматтардың діни сауаттылығын арттыру және радикалды көзқарастардың алдын алу.

Кездесуге Түркістан облысы Дін істері басқармасы «Дін мәселелерін зерттеу орталығы» КММ-нің теолог маманы Бекжан Абдрахман және «Кентау қалалық Руханият орталығы» КММ-нің теолог маманы Ұлықбек Құлтай қатысып, архив ұжымына өзекті мәселелер жөнінде кеңінен мағлұмат берді.

Спикерлер діни экстремизм ұғымына, оның қоғамдағы орны мен қауіпті тұстарына тоқталып, еліміздің зайырлы мемлекет ретіндегі қағидаттарын түсіндірді. Бекжан Абдрахман радикалды ағымдардың идеологиялық негіздері мен таралу жолдарын нақты деректермен баяндап, олардың жастар санасын улайтын тәсілдері туралы айтты. Ол сондай-ақ әлеуметтік желілерде жалған діни ақпараттардың қалай таралатынына мысалдар келтіріп, ақпараттық қауіпсіздіктің маңыздылығын атап өтті.

Өз сөзінде Ұлықбек Құлтай зайырлылық қағидаттарын ұстанудың қоғамдағы бірлік пен тұрақтылыққа тигізетін әсерін баса айтты. Ол архив қызметкерлерін діни сауатты арттыруға шақырып, күмәнді ақпарат көздеріне сенбеуге, ресми дереккөздерге жүгінуге кеңес берді.

Кездесу барысында қатысушылар тарапынан түрлі сұрақтар қойылды. Архив қызметкерлері қазіргі таңда әлеуметтік желілерде кең таралған діни ағымдар мен олардың ерекшеліктері, сондай-ақ жастармен жұмыс істеудің тиімді тәсілдері туралы сұрап, нақты жауаптар алды. Теолог мамандар бұл бағытта отбасы тәрбиесінің, білім беру мекемелерінің және мемлекеттік органдардың рөлін ерекше атап өтті.

Іс-шара соңында қатысушыларға діни экстремизмнің алдын алу бойынша дайындалған арнайы ақпараттық үнпарақшалар таратылды. Бұл материалдар радикалды идеологиядан сақтанудың жолдары, сенімді діни дереккөздерді таңдау, күдікті діни ұсыныстарды тиісті органдарға хабарлау жөнінде кеңестерді қамтыды.

Мұндай түсіндіру кездесулері қоғамның діни тұрақтылығын қамтамасыз етуге, азаматтардың діни сауатын жетілдіруге және жастарды жат ағымдардан қорғауға бағытталған ауқымды жұмыстардың бір бөлігі болып табылады. Архив ұжымы теолог мамандарына өзекті әрі мазмұнды мәлімет бергені үшін алғыс білдіріп, мұндай кездесулердің алдағы уақытта да жалғасатынына сенім білдірді.

Previous Post

Санақ – аграрлық сектордың даму қарқынын айқындайды

Next Post

Сауранда «Келешек мектептері» жобасы аясында 300 орындық мектеп ашылды

Добавить комментарий Отменить ответ

Ваш адрес email не будет опубликован. Обязательные поля помечены *

        E-mail:gazetakentau@mail.ru
Қабылдау бөлімі: тел:+7 776 666 5218

Сайт әкімшілігі материалды көшіріп басу кезінде kentauinfo.kz сайтына тікелей гиперсілтеме көрсетуді талап етеді

Біз әлеуметтік желіде

No Result
View All Result
  • Жаңалықтар
  • Cаясат
  • Қоғам
  • Билік

Кентау газеті gazeta-kentau.kz