Бөржар ауыл округіне қарасты Қайнар ауылында аудан әкімдігінің бастамасымен дүниежүзілік сенбілік аясында кең көлемді тазалық шарасы өтті. Акцияның негізгі мақсаты – ауылдың санитарлық жағдайын жақсартып қана қоймай, тұрғындардың тазалық пен тәртіпке деген ортақ жауапкершілігін арттыру болды.
Сенбілік барысында ауыл көшелерінің тазалығына ерекше көңіл бөлініп, жол бойындағы қоқыстар жиналды, арам шөптер шабылды. Сонымен қатар, көпқабатты үйлердің қас беттері ретке келтіріліп, көше бойындағы жарық бағаналары сырланды.
Шараға ауыл тұрғындары, мекеме қызметкерлері және белсенді жастар қатысып, тазалық жұмыстарына белсене атсалысты. Ұйымдастырушылар мұндай ауқымды сенбіліктердің экологиялық мәдениетті көтеріп, туған жерге қамқорлық танытуға септігін тигізетінін атап өтті.
Аудан әкімдігі мұндай игі бастамалардың алдағы уақытта да жүйелі түрде жалғасын табатынын хабарлады.



