Түркістан облысында ауа райының күрт суытуына байланысты Төлеби, Қазығұрт және Түлкібас аудандарында қар жауып “Оңтүстік жолдары” МКК тарапынан жолдар қардан тазартылды. Қазіргі таңда кәсіпорын тарапынан тәуліктік кезекшілік ұйымдастырылып, жолдар тұрақты бақылауға алынған.
Биыл облыстық маңызы бар автомобиль жолдарын қысқы мерзімде күтіп ұстау жұмыстарына 123 бірлік техника жұмылдырылмақ. Сондай-ақ, автомобиль жолдарын дер кезінде тазалап, көк тайғақтың алдын алу үшін мекеме тарапынан 6 100 текше метр құм мен 860 тонна тұз қоры бар.
