Қазіргі жаһандану дәуірінде адамзатқа ортақ қауіптердің бірі – терроризм. Бұл құбылыс бейбіт халықтың өміріне, қоғамның тұрақтылығына және мемлекеттердің қауіпсіздігіне тікелей қатер төндіреді. Өкінішке қарай, кей жағдайларда терроризмді белгілі бір дінмен байланыстырып, бұрмаланған түсінік қалыптастыру әрекеттері кездеседі. Алайда терроризм – діннің емес, қылмыстың көрінісі екендігін нақты түсіну аса маңызды.
Қазақстан Республикасында терроризм мен экстремизмге қарсы күрес – мемлекеттік саясаттың басым бағыттарының бірі. Елімізде конфессияаралық келісім мен этносаралық татулықты сақтау, жастарға рухани-адамгершілік тәрбие беру, діни сауаттылықты арттыру бағытында жүйелі жұмыстар жүргізілуде. Осы бағытта ағымдағы жылдың қаңтар айында қаламызда 18 ақпараттық түсіндіру жұмыстары жүргізілді.
Терроризмге қарсы күресте әр азаматтың жауапкершілігі зор. Күмәнді ақпарат көздеріне сенбеу, радикалды идеяларға қарсы иммунитет қалыптастыру, заң мен бейбітшілік құндылықтарын құрметтеу – қауіпсіз қоғам құрудың негізгі шарттары.
Ш. Жарылқасымова,
Кентау қалалық ішкі саясат бөлімінің бас маманы
