Түркістан қаласында тұрғындарды арзандатылған азық-түлік өнімдерімен қамтамасыз ету мақсатында тұрақты түрде жәрмеңкелер ұйымдастырылып келеді. Бүгінгі жәрмеңкеде Сайрам, Келес аудандарынан және Кентау қаласынан келген ауыл шаруашылығы өнімдері, сондай-ақ «Түркістан әлеуметтік-кәсіпкерлік корпорациясы» АҚ-ның тұрақтандыру қоры арқылы 50 тоннаға жуық азық-түлік саудаланды.
Жәрмеңкеде ет және сүт өнімдері, жұмыртқа, көкөністер, жеміс-жидектер мен күнделікті тұтынуға қажетті өзге де азық-түлік тауарлары сатылымға шықты. Сауда сөрелеріне қойылған тауарлар тікелей өндірушілерден жеткізіліп, нарықтағы бағадан 30-50 пайызға дейін төмен бағамен сатылды. Дәстүрге айналған әлеуметтік жәрмеңкелер алдағы уақытта да жалғасын табатын болады.
