Түркістан қаласы арқылы өтетін «Батыс Еуропа – Батыс Қытай» халықаралық автодәлізінің 3 шақырым аумағында жөндеу жұмыстары түнгі мезгілде де қарқынды жүргізіліп жатыр. Жоба аясында жолдың ескі асфальт жабындысы толықтай алынып, орнына заманауи талаптарға сай қиыршық тас-мастикалық асфальт бетон жабыны төселуде. Жөндеу жұмыстарын сәуір айының соңына дейін толық аяқтау жоспарланып отыр.
Сонымен қатар, қаладағы Сауран секторына қарасты Ә.Жангелдин көшесінде ауқымды жол құрылысы жүргізілуде. Атап айтқанда, теміржол аумағындағы 2 жолақты жолдың орнына заманауи талаптарға сай 4 жолақты автомобиль жолы салынып жатыр. Сонымен қатар, су ағызу науалары орнатылып, жаяу жүргіншілерге арналған аяқжол мен веложол құрылысы қатар жүргізілуде. Жаңартылып жатқан жолдың жалпы ұзындығы 600 метрді құрайды. Жоба бойынша құрылыс жұмыстарын сәуір айының соңына дейін толық аяқтау жоспарланған.
