23 тамыз – еліміздің саяси өміріндегі маңызды күндердің бірі. Бұл күні өтетін Құрылтай сайлауы – әрбір азаматтың ел болашағына деген жауапкершілігін танытып, мемлекеттің алдағы даму бағытын айқындауға өз үлесін қосатын тарихи сәт.
Сайлау – халықтың өз таңдауын білдіретін, қоғамның сұранысы мен ұсыныстарын саяси алаңға шығаратын маңызды демократиялық үдеріс. Сондықтан бұл күні әрбір отандасымыздың белсенді азаматтық ұстаным танытып, дауыс беруі ел дамуына қосқан үлесі болмақ.
Еліміздің келешегі – бүгінгі таңдауларымызға байланысты. Сондықтан 23 тамыз күні әрбір азамат өз таңдауын жасап, ел дамуына ортақ жауапкершілікпен атсалысқаны жөн.
Бірлігіміз бен белсенділігіміз – жарқын болашақтың кепілі. Ел тағдыры сыналар маңызды күні баршаңызды сайлауға қатысуға шақырамын.
Мұхит МАХАЖАНОВ,
Кентау қаласының тұрғыны
