Кентау қаласында тұрғындарды сапалы әрі қолжетімді азық-түлік өнімдерімен қамтамасыз ету мақсатында ауыл шаруашылығы өнімдерінің жәрмеңкесі ұйымдастырылды.
Жәрмеңкеде жергілікті шаруа қожалықтары мен ауыл шаруашылығы тауар өндірушілерінің өнімдері ұсынылды. Сауда сөрелерінен ет және сүт өнімдері, көкөніс, жеміс-жидек, бақша өнімдері, жұмыртқа, ұн және басқа да азық-түлік түрлерін сатып алуға мүмкіндік болды.
Шараның басты ерекшелігі – өнімдердің тікелей өндірушілерден ұсынылуы. Бұл тұрғындарға сапалы тауарларды қолжетімді бағамен сатып алуға мүмкіндік берсе, жергілікті шаруалар мен кәсіпкерлер үшін өз өнімдерін тұтынушыларға тікелей ұсынуға жол ашты.
