Түркістан облысында бейнебақылау камералары құқық бұзушылықтарды анықтауға көмектеседі

Жетісай аудандық полиция бөлімінің қызметкерлері Жедел басқару орталығы арқылы қоғамдық орындардағы тәртіпті тұрақты түрде қадағалап, құқық бұзушылықтың алдын алу бойынша жұмыстар жүргізуде.
Анықталған фактілер бойынша аудан тұрғындарымен қоғамдық тәртіпті бұзуға жол бермеу және қоршаған ортаға ұқыпты қараудың маңыздылығы туралы түсіндірме әңгімелер жүргізіледі.
Аталған жұмыс нәтижесінде тұрғындар арасында көшелер мен қоғамдық орындарда темекі тұқылдарын, пластикалық бөтелкелерді және басқа да қоқыстарды тастау фактілерінің азаюы байқалады.
Полицейлер халықпен тұрақты мониторинг және профилактикалық жұмыс қоғамдық тәртіпті нығайтуға және құқық бұзушылықтардың алдын алуға оң әсер ететінін атап өтті.