Жол қауіпсіздігі: патрульдегі бір күн

Түркістан облысында полиция қызметінің күнделікті жұмысын көрсету мақсатында «Полицияның бір күні» айдары жалғасуда. Бұл жолы бейнеролик Шардара аудандық полиция бөлімінің патрульдік полиция тобының қызмет инспекторы Ержан Қожантаевтың бір күндік қызметіне арналды.
Ол күнделікті қызмет барысында жол қозғалысы қауіпсіздігін қамтамасыз етіп, қоғамдық тәртіпті сақтауға, жол қозғалысы ережелерінің орындалуын бақылауға және құқық бұзушылықтардың алдын алуға басымдық береді.
Қызмет барысында жол ережелерін бұзған азаматтарға қатысты заңнамаға сәйкес шаралар қабылдап, жүргізушілер мен өзге де жол қозғалысына қатысушылар арасында түсіндіру жұмыстарын жүргізеді.
Патрульдік полицияның жұмысы – тәулік бойы қауіпсіздікті қамтамасыз ету, заң талаптарының сақталуын қадағалау және азаматтардың тыныштығын қорғау.