Кентауда белсенді азаматтарды Елбасы, «Nur Otan» партиясының Төрағасы Нұрсұлтан Назарбаевтың Алғыс хатымен марапаттау рәсімі өтті.
Ш.Қалдаяқов атындағы мәдениет сарайында өткен шарада «Nur Otan» партиясы Кентау қалалық филиалы төрағасының бірінші орынбасары Сағынбек Асылбеков партияның жұмысына белсене атсалысып, ел бірлігін нығайтуға үлес қосқан азаматтардың еңбегіне тоқталды.
— Биыл елімізде аса жауапты сайлау өтті. Парламент Мәжілісі мен жергілікті мәслихат құрамы жаңа тұлғалармен толықты. Осы ретте елдің басым бөлігі өз таңдауын жасап, «Nur Otan» партиясына қолдау білдірді. Елбасы, Партия Төрағасы Нұрсұлтан Назарбаевтың партияны қайта жаңғырту бағытындағы тапсырмасына сәйкес, өңірлерде ауқымды жұмыстар атқарылды. Түркістан облысында да партияны жаңғырту, оның жұмысын жандандыру бойынша бастамалар қолға алынды, — деді Сағынбек Жақсыбекұлы.
Жиында партия белсенділері алғыс хаттармен марапатталды.
