Ресейлік «Sputnik-V» атты вакцинасын Кентау қалалық емханасы бас дәрігерінің емдеу ісі жөніндегі орынбасары Бибігүл Бердисугирова мен Кентау қалалық санитариялық эпидемиологиялық басқарма басшысы Ғазиза Егембердиева, Кентау қалалық орталық аурухана бас дәрігерінің орынбасары Асылбек Утебаев және медицина ұйымының қызметкерлері, жұқпалы аурулар, жансақтау бөлiмi, қабылдау бөлімі, фильтр бөлiмi және санитарлық эпидемия мекемелерiнiң мамандары салдырды.
Кентау қалалық емханасының екпе егу пункті дайындалып, профилактикалық екпелерді жүргізудiң стандартты операциялық процедуралары бекiтiлiп, 80-нен астам медицина қызметкерлерi қайта даярлаудан өтуге, екпе егуге рұқсат қағазы берiлген медицина қызметкерлерімен жүргiзiледi.
Алдымен, екпе алатын медицина қызметкерлері арнайы кабинетте дәрігердің қарауында болып, дене қызуы, қан қысымы, тамыр соғысы өлшенді. Ешбір қарсы көрсетілім болмаған соң барып, екпе жасалды.
Дәрiгердің тексеруінен соң, қарсы көрсеткiштерi болмаса пациентке ерiктi түрде вакцинациялауға келiсiм алады. Вакцина алғаннан кейін 30 минут бойы емханада дәрiгердiң бақылауында болады.
2021 жылдың соңына дейін қала тұрғындарына 18 жас пен 60 жас аралығында екпе егу жұмыстары жалғасады.
Ресейлік «Sputnik — V» атты вакцинасын салдыру 2 бөліктен және 3 кезеңнен тұрады. Яғни бірінші бөлігін салдырғаннан кейін 20 күн өткен соң 21-күні екінші бөлігі салынады.
Жалпы 3-кезеңнен тұратын екпе егу шарасының 1-ші кезеңі ағымдағы жылдың 1-ші ақпанынан басталды.
Бірінші кезеңде пандемиямен күресте алдыңғы шепте жүрген жедел жәрдем, инфекция және қабылдау бөлімінің медициналық қызметкерлеріне егіледі.
Ал 2-ші кезең ағымдағы жылдың 1-ші наурызынан бастау алып, қалған медицина қызметкерлері мен мұғалімдерге егу жоспарлануда.
3-ші кезең ағымдағы жылдың 1-сәуірінде басталып, бұл кезеңде мемлекеттік және құқық қорғау органдарының қызметкерлері егде жастағылар мен созылмалы ауруы бар азаматтарға егіледі.
Айта кетсек, екпені жоғарыда аталған санаттағы азаматтар тек қана өз еркімен ғана салдырады.
