Жол саласында маман жетіспейді

Жол саласында маман тапшы. Құрылыс инженерлері, геодезия, картограф, механик, дизайнер, метеоролог, сметашы, зертханашылар, автогрейдерлер, механизаторлар, асфальт-бетон жұмысшылары жетіспейді. Ұлттық сапа орталығы бұл проблеманы шешу үшін «1000 мектеп» жобасын қолға алған.
Бүгінде облыстық филиал мамандары 60 шақты білім мекемесіне барып, оқушыларға кәсіби бағыт-бағдар берді. Жолшы мамандығының маңызын, қоғамдағы қызметін түсіндірді.
«Жол активтері ұлттық сапа орталығы» РМК Түркістан облыстық филиалының қызметкері Фурхат Жолановтың айтуынша, бұл мамандықта оқитын студенттерді ақылы практикадан өткізетін мүмкіндік бар. «Мысалы былтыр жол академиясының 3 студенті өндірістік практикадан өтті. Олар теория жүзінде алған білімдерін тәжірибемен ұштастырды. Инженерлермен бірге жолға шығып, зертханада сынақтар жүргізіп үйренді. Оған қоса жалақы алды»,- дейді. Дәл қазір мектеп бітірушілердің мамандық таңдауда бір байламға келер кезі. Жолшы мамандығын таңдағандар жерде қалмайды. Өйткені еңбек нарығында бұл маманға әрдайым сұраныс бар. Жалақысы да жоғары,- дейді ол