БАҚ өкілдерімен кеңес отырысы өтті

Жастар ресурстық орталығында БАҚ өкілдерімен кеңес отырысы өтті. Оған журналистер мен белсенді блогерлер және баспасөз хатшылары қатысты.
Кеңестің төрағасы қалалық ішкі саясат бөлімінің басшысы Т.Сүлейменов кеңес отырысын ашып, алдағы атқарылатын жұмыстармен таныстырды. Кеңес мүшелігіне жергілікті телеарна мен жергілікті газеттердің журналистері және белсенді блогерлер енгізілген.
Отырыс барысында «Кентау шұғыласы» газетінің бас редакторы Қ.Зайнишев редакцияда атқарылып жатқан жұмыстардың барысын баяндады. Алдағы жұмыс жоспарымен таныстырды. Қатысушылар ұсыныс-пікірлерін айтып, басылымда жарық көріп жатқан мақалаларды талқылады.
Кеңес отырысында әлеуметтік желіге қатысты түрлі мәселелер сөз болды.
Жиынды қорытындылаған Т.Сүлейменов БАҚ өкілдерімен кеңес отырысы әр тоқсанда өткізілетіндігін айтты.